ചർച്ച

ചർച്ച

..

രാവിലെ

-എല്ലാവരും ചായ കുടിച്ചോ?

-ഉവ്വ്‌

-ഒകെ... സന്തോഷം

ഉച്ചയ്ക്ക്

-എല്ലാവരും ഊണ് കഴിച്ചോ?

-ഉവ്വ്‌

-സന്തോഷം.. 

ശാപ്പാട് എല്ലാം നന്നായില്ലേ?

-ഓ.. ബഹുകേമം

വൈകുന്നേരം

-എല്ലാവരും ഡിന്നർ കഴിച്ചോ?

-ഉവ്വ്

-സോമരസം കുറവൊന്നും വന്നില്ലല്ലൊ?

-ഇല്ല

-അപ്പോൾ ഇന്ന് ഇനി എന്താ നിങ്ങളുടെ തീരുമാനം? 

-എന്തു തീരുമാനം?

-നിങ്ങൾ ഒരു ഒത്തുതീർപ്പിൽ എത്തുകയാണെങ്കിൽ ഞാൻ അത് പ്രഖ്യാപിക്കാം.

അപ്പോൾ ഒരാൾ പറഞ്ഞു

-എന്റെ പേര് പ്രഖ്യാപിക്കൂ...

ഉടനെ മറ്റൊരാൾ പറഞ്ഞു.

-അത് പറ്റത്തില്ല

എന്റെ പേര് പ്രഖ്യാപിക്കണം

അത് കേട്ട് വേറൊരാൾ പറഞ്ഞു.

-ഞാനുള്ളപ്പോൾ എന്റെ പേര് പ്രഖ്യാപിക്കണം. ഞാനാണ് സീനിയർ!

അപ്പോൾ ഒന്നാമൻ പറഞ്ഞു.

-സീനിയോറിറ്റി അല്ല പ്രധാനം. ജനപ്രീതി യാണ്.

അപ്പോൾ രണ്ടാമൻ പറഞ്ഞു.

-ജനപ്രീതിയല്ല പ്രധാനം. തന്ത്രങ്ങളാണ്.

അങ്ങനെ മൂന്ന് പേരും പരസ്പരം തർക്കത്തിൽ ഏർപ്പെട്ടു. ഇതെല്ലാം കേട്ട് മടുത്തു ദല്ലാളൻ അലറി പറഞ്ഞു.

-ഈ ചർച്ച നിർത്തിൻ. ഞാനിപ്പോൾ ഒരു പേര് പ്രഖ്യാപിക്കും. അത് നിങ്ങൾ അനുസരിക്കണം. അനുസരിച്ചേ പറ്റൂ!

ഇത്രയും ഉച്ചത്തിൽ ദല്ലാളൻ സംസാരിക്കുന്നത് ആദ്യമായി കേൾക്കുകയായിരുന്നു അവർ.

അവരങ്ങനെ അമ്പരന്നു നിൽക്കേ ദല്ലാളൻ പേര് പ്രഖ്യാപിക്കാൻ വായ് തുറന്നു. തന്റെ പേരാവില്ല പ്രഖ്യാപിക്കാൻ പോകുന്നത് എന്നു കരുതി മൂന്നുപേരും ഒന്നിച്ച് ദല്ലാളന്റെ വായ പൊത്തി! പിന്നെ തുറന്ന വായ അടക്കാൻ പോലും കഴിയാതെ അവർക്കിടയിൽ ദല്ലാളൻ കണ്ണും തുറിച്ചു നിന്നു.

അങ്ങനെ ഇന്നത്തെ ചർച്ചയും തൽക്കാലം അവസാനിച്ചു. ഇനി ചർച്ച നാളെ തുടരും. 

കണ്ടു നിന്നവർ പ്രഖ്യാപിച്ചു.

😄😄

(പത്തു ദിവസമായി കോണ്ഗ്രസ് മുഖ്യമന്ത്രി ആരെ ആക്കണം എന്ന ചർച്ച തുടങ്ങിയിട്ട്. രമേശ് ചെന്നിത്തല, വി ഡി സധീശൻ, കെ സി വേണുഗോപാൽ) ഇവരാണ് മത്സരത്തിൽ.